ဘကြီးတော်မင်း၊ သာယာဝတီမင်း၊ ပုဂံမင်း၊ မင်းတုန်းမင်းတို့ လက်ထက်တွင် ပေါ်ထွန်းတော်မူခဲ့သော ထွဍ်ခေါင်ဆရာတော်ဘုရားမှ မြန်မာလူမျိုးများ အလှူအတန်းနှင့် ပတ်သက်၍ “ယမမင်းထံ အစစ်ခံ” သံပေါက်တွင် ယခုလို ဆုံးမခဲ့သည်။
(ယမမင်း) သဒ္ဓါဖြောင့်တန်း၊ ဒါနခန်း၊ ပြောစမ်းပါအုန်းကွယ်။
(ယောက်ျား) သားကြီးရှင်ဖြစ်၊ ကျွန်တော်စစ်၊ ညှစ်၍လှူခဲ့တယ်။
(ယမမင်း) လှူသောအခါ၊ စေတနာ၊ သုံးဖြာညီသလားကွယ်။
(ယောက်ျား) သုံးချက်စေတနာ၊ နည်းလှပါ၊ မှန်စွာလျှောက်တော့မယ်။
ကျွန်တော်အလှူ၊ ကြွေးတွေပူ၊ ငွေကူမျှော်မိတယ်၊
ကူငွေနဲ့သာ ငါလှူတာ၊ တေမိပါရင် တော်ရော့မယ်၊
ကျွန်တော်မျိုးမှာ၊ သည်လိုသာ၊ အောက်မေ့မိပါတယ်။
(ယမမင်း) ယုတ်မြတ်မဟူ၊ စားသောက်သူ၊ ကြည်ဖြူပါသလားကွယ်။
(ယောက်ျား) ငွေကူများရာ၊ လူချမ်းသာ၊ မျက်နှာလိုက်၍၊ကျွေးခဲ့တယ်၊
မျက်နှာနည်းပါး၊ လူမွဲများ၊ မလွဲသာကျွေး၊ ကျွေးရတယ်၊
လူချမ်းသာပင်၊ မဏ္ဍပ်ဝင်၊ ဖျာလျှင်သင်ဖြူး၊ ခင်းပေးတယ်၊
သည်ကိုဟိုကို၊ ကြွပါဗျို့၊ ဗျို့ဗျာမစဲ၊ ခေါ်ခဲ့တယ်၊
ကွမ်းဆေး၊လက်ဖက်၊ ဆီအက်အက်၊ ဝက်နှင့်ကြက်သား၊
ကျွေးခဲ့တယ်၊
ကျွန်တော်မျိုးမှာ၊ ငွေမျက်နှာ၊ သည်လိုဟာမှ သဒ္ဓါတယ်။
(ယမမင်း) မင်းအလှူမှာ၊ ငွေတွေဟာ၊ နှမြောပါဘိကွယ်၊
ပရိက္ခရာ ဆောင်ရန်မှာ၊ ကောင်းစွာလှူသလားကွယ်။
(ယောက်ျား) ပရိက္ခရာ၊ ညံ့လှစွာ၊ ဖိုးချိုတာမှ၊ ဝယ်ပေးတယ်။
(ယမမင်း) လှူသောအခါ၊ ပစ္စည်းမှာ၊ စင်ကြယ်ပါသလားကွယ်။
(ယောက်ျား) လှူသောအခါ၊ ပစ္စည်းမှာ၊ ခိုးတာများခဲ့တယ်။
(ယမမင်း) ပစ္စည်းကုန်တာ၊ မင်းလှူတာ၊ ဝမ်းနည်းပါလေတယ်၊
ဘုန်းကြီးပင့်လမ်း၊ အလယ်လမ်း၊ ပြောစမ်းပါဦးကွယ်၊
အကျင့်သိက္ခာ၊ရွေးချယ်ကာ၊တော်ရာကိုယ်တော်ပင့်လားကွယ်။
(ယောက်ျား) သည်လိုဟာမှာ၊ မလေ့လာ၊ မျက်နှာနာမှ ပင့်ခဲ့တယ်၊
နှုတ်ဆက်ခေါ်ငင်၊ မျက်နှာရွှင်၊ ပုဂ္ဂိုလ်ကောင်းလို့ ထင်ခဲ့တယ်၊
သည်လိုဆရာ၊ ကျွန်တော့်မှာ၊ များစွာပင့်ခဲ့တယ်၊
တို့အမျိုးပါ၊ တို့ဆရာ၊ တို့ရွာကိုယ်တော် ပင့်ဦးမယ်။
(အပင့်ခံဘုန်းကြီး ပြောင်းနှင့်စပါး၊ မင်းတို့များ၊ ဘယ်လောက်ရလဲကွယ်၊
အပြော) ကျောင်းကိုများသွား၊ ရယ်ဟားဟား၊ လက်ဖက်ကွမ်းစားတယ်၊
ငှက်ပျောအုန်းသီး၊ ဒကာကြီး၊ မြည်းစမ်းပါဦးကွယ်။
(ယောက်ျား) သည်လိုခေါ်ဆို၊ မျက်နှာချို၊ ထိုပုဂ္ဂိုလ်မှ၊ ပင့်ခဲ့တယ်၊
ကျွန်တော်တို့ရွာ၊ လှူကြတာ၊ သည်လိုချည်းသာ၊ ပင့်ကြတယ်။
(ယမမင်း) အမောင်လှူတာ၊ ဗလာချာ၊ တော်စမ်းပါဦးကွယ်။
ကိုးကား - အရှင်ဇဝန -မေတ္တာရှင်(ရွှေပြည်သာ)
လူဖြစ်ရခြင်းရဲ့အဓိကရည်ရွယ်ချက် (နှာ၃၆)
